ரெட் செஸ்ட்நட் மலர் மருந்து (Red Chestnut), மற்றவர்களைப் பற்றி அதிகப்படியான கவலை மற்றும் பயம் உள்ள நபர்களுக்குப் பயன்படுத்தப்படுகிறது. இதன் சில முக்கியப் பயன்பாடுகள் கீழே கொடுக்கப்பட்டுள்ளன.
ரெட் செஸ்ட்நட் மலர் மருந்தின் குணாதிசயங்கள்
ரெட் செஸ்ட்நட் குணாதிசயங்கள் உள்ள மனிதர்கள், தங்கள் அன்புக்குரியவர்கள் ஏதாவது ஆபத்தில் சிக்கிவிடுவார்களோ என்று அதிகப்படியாக கவலைப்படுவார்கள். மற்றவர்களுக்கு ஏதாவது நடந்துவிடுமோ என்ற பயம் மற்றும் பதட்டம் இருந்துக்கொண்டே இருக்கும். மற்றவர்களைப் பற்றிய எதிர்மறை எண்ணங்களால் சூழப்படுவார்கள்.
மற்றவர்களின் பிரச்சனைகளை நினைத்து எளிதில் உணர்ச்சிவசப்படுவார்கள். மற்றவர்களின் மீது அதிகப்படியான அக்கறைக் கொண்டு, அவர்களை தங்களின் கட்டுக்குள் வைத்திருக்க எண்ணுவார்கள்.
ரெட் செஸ்ட்நட் மலர் மருந்தின் பயன்கள்
ரெட் செஸ்ட்நட் மலர் மருந்து மற்றவர்களின் நலனில் அக்கறை காட்டுவது தவறில்லை, ஆனால் அதிகப்படியான கவலை தேவையில்லை என்பதை உணர்த்தும். மன அமைதியைக் கொடுத்து, பயத்தையும் பதட்டத்தையும் குறைக்கும்.
எதிர்மறை எண்ணங்களை குறைத்து, நேர்மறை எண்ணங்களை அதிகரிக்கிறது. உணர்ச்சிகளை கட்டுப்படுத்தி, மன அமைதியை நிலைநிறுத்த உதவுகிறது. மற்றவர்களின் சுதந்திரத்தையும், தனித்துவத்தையும் மதிக்க உதவுகிறது.
இந்த மலர் மருந்து, மற்றவர்களைப் பற்றிய அதிகப்படியான கவலையைக் குறைத்து, மன அமைதியையும், தெளிவையும் கொடுக்கிறது.
Leave feedback about this